كيف تقهرين اخوك ... للبنات فقط

المساهمات : 21 تاريخ التسجيل : 25/09/2008

عندي دروس خطيره لا تفوتكم يا بنات .. شوفو اللي مقهوره, واللي تبي تنتقم ,
واللي تبي ترفع ضغط اخوها تتبع هالخطوات والله يقويكم...........

*** عند التلفزيون ***

لا صارت فيه مباراه , والاخ متحمس اقطعي هالحماس وشلون؟!
انا اقولك ..

شوفي اذا صار مبقق عويناته وماهو يم احد يعني لو تجيبين صاروخ تفجرينه قدامه
مالتفت لك اعرفي انه منسجم ,

هنا بس تقومين بشغلك.. وتسوين نفسك بنت سنعه

وروحي جيبي قطعة قماش وبخاخ للتنظيف واوقفي عند التلفزيون وامسحي الشاشه
ولا تعطينه فرصه يشوف زين ,

لا قال: ابعدي. قولي مانيب فاضيتلك بنظف وامسح ، وبعدين روحي جيبي المكنسه
واكنسي المكان اللي هو فيه وحاولي من لحظه للحظه تكنسين قدام التلفزيون وغطي عليه..
ولا يهمك احد..

واذا قال: ابعدي لااصقعك على وجهك بالكاس قولي معصي بيجون ضيوف . .
العبي عليه حتى لو مو جايكم احد , والا سوي نفسك جالسه وتذكرتي ان الكيك بالفرن احترق
ناقزي لين توصلين للفيش وامصعيه برجولك ولا تلتفتين وراكِ..

*** عند النوم ***

لا صار التمساح يشخر.. نكدي عليه نومه وشلون؟! دخلي عليه بزارينكم على بزارين جيرانكم
وصكي الباب عليهم وخليهم يلعبون بغرفته ويناقزون على راسه .. تخبرين اطفالنا احباب الله خخخخخخخ

والا تعالي وهو في سابع نومه وارجفيه ذيك الرجفه اللي يفز مايدري عن نفسه الا وهو جالس
وبكل برود قوليله نبي نخرج ..

*** اذا المزاج صفر ***

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه
يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يصك أي شيء قدامه بوجهك
ولازم تصيرين مجهزه مفتاح الغرفه.. ماتدرين السالفه يا غالب يا مغلوب خخخخخخخخ

المهم.. اضحكي على شكله والا على جلسته والا على لبسه .. هو بيقول ترى مانيب رايق اذلفي عني ,
انتي لا تسكتين قوليله واذا ماذلفت وجهي وش بيصير

عاد هو بيقوم ويوريك وش بيصير على سنع انتي في هالوقت اقضبي اول درجتين توصلك لغرفتك
وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك

عادي .. عادي ولا صرتي بزر وش فيها اهم شيء تحقيق الغايه اللي هي
(( تفجير الامبير )) واهم شي بعد الاخلاق لاهنتي سحليتي خخخخخخخ

*** وقت الطقاق ***

لا جاء يوم وبراسك حرش وتبين تطاققين انتي والتمساح لازم تجهزين نفسك من كل ناحيه:

1/ الشوشه لازم تلمينها وتسوين حفله براسك ذاك اليوم تحطين انواع الشباصات والمغاطات
وانتبهي ولا خصله تنزل منك,

وياليت يكون ذاك اليوم حاطه براسك حناء علشان مايتجرأ ويلمس شعرك <==== ابن أمه يجيب مثل هالتفكير

2/ مفتاح الغرفه ولميه الاحتياط واجب

اذا بدت المعركه حطي راسك براسه ولا تبينين له انك خايفه وبققي عويناتك فيه وقوليله
وش براسك عاد هو هنا بيقولك هذا اللي براسي طراااااااااااخ الا ومخمس مصفي طبلونه
لا تستسلمين عطيه بوكككككككس على عيونه الثنتين علشان مايشوف الدرب وحطي
رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر
بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله

واتمنى تطبقين هالتعليمات وهذا وجهي ان تحداك اي احد على وجه الارض ومالي دخل
لو طلعلك صعرور والا طلع بعيونك الوان الطيف والا ماسلم فيك ضلع

******

ملا حظه اذا لقيتي نفسك بغرفه الانعاش انا مالي دخل بالموضوع انا بريئه

الله الله يالسحلولياات>>امحق دلع

اتمنى يعجبكم ,,,

المساهمات : 60 تاريخ التسجيل : 25/09/2008

هلا والله أذا براسكم حرش ترا حنا يا العيال عندنا خطة تطقع بخطتكم بمليون مررررررررررررررررررة والبنات اللي مسوين قويات يتطاقون معنا يالعيال ههههههههههههههههههههههههههههههه يله ورونا يالبنات

المساهمات : 21 تاريخ التسجيل : 25/09/2008

أقوول يالغزال يالله عطنا خطة من خططكم أصلن أنتم يالعيال دلــوخ ماعندكم مخ ولا مخيخ كيف بتفكروون lol!

المساهمات : 60 تاريخ التسجيل : 25/09/2008

والله حنا ما نحتاج خطة بس لو نعطيكم كف يخلي وجهكم يلف سبع مرات يعلمكم وش لون الادب ونخليكم تروحون عند أمكم تصيحون Sad

هههههههههههههههههههههههههههههه Very Happy

المساهمات : 66 تاريخ التسجيل : 23/09/2008

بصراااحه افكاار خطيره لكن ما تصلح على الكبار بس على الصغااار بتظبط

لان الكبر لازم نحترمهم <<هههه الله يعلم ليش الاحترااام

موضوع: LaMoOo السبت سبتمبر 27, 2008 3:17 pm

ههههههههههه لالا انا ما أتحرش بأخوي إذا كان ماله خلق او معصب بجيبله كاس عصير و اسويله مساج براسه عشان يرتاح و أخليه يعطيني فلوس عاد بيكون مروق و علطووول على السوق

المساهمات : 60 تاريخ التسجيل : 25/09/2008

مشكورة لموووووو شوفو الرد الصح تجيبله عصير وتسويله مساج والله هذي هي البنت الصح والله انك كفو يا لموووووووووو طيحتي وجوهم ههههههههههههههههههههههههه

المساهمات : 6 تاريخ التسجيل : 01/10/2008

ههههههههههههههههههه مشكوره على الموضوع صارت فيه خطط في راسي

المساهمات : 15 تاريخ التسجيل : 26/09/2008

والله من زين الخطه

ههههههههههههههههههههههههههههههههه afro

صح

المساهمات : 27 تاريخ التسجيل : 27/09/2008

هلا
لا الخطط حلووووووووووووه وان شاء الله بسويها بخواني Laughing

اخاف يكفخوني tongue

» الديوانيه للبنات !!!
» طرق العلاج من الزهق...للبنات